لا اله الا الله محمد رسول الله
 
HomeRegisterLog in

Share | 
 

 مواصلاتك يا سعير 1

View previous topic View next topic Go down 
AuthorMessage
المدير العام
Admin


Male
عدد الرسائل : 98
العمر : 29
المزاج : كوووول يا مان
نقاط : 5935
السٌّمعَة : 0
تاريخ التسجيل : 2008-12-24

PostSubject: مواصلاتك يا سعير 1   Tue Mar 17, 2009 10:42 am

سعير .... بلدة من بلدان مدينة خليل الرحمن ....تشتهر بالشوارع المعبدة (المعبدة قبل 5 سنين) والمطبات ياااااااااااااااااااا ويلي احلى شي .....والحاويات الخضر ياااااااااا المهم
لما بدك تروح مشوار عالخليل الصبح بدري تعالو نشوف شو بيصير ...معك

الساعة 7 الصبح بتوقيت العاروض.....صوت العصافير مخشبة من كثر الغبرة اللي في الجو........بتلاقي الختيرية ببلشو يعشقو بسجاير الهيشي على اطراف الشوارع
ولما ترد صباح الخير بتلاقي الختيرية ببلشو يبزقو ليه مش عارف يمكن لانو السيجارة طفت مع رد السلام وبلشو يعشقو مره تانية (هاي مجرد حدس مو اكثر) المهمممم
بتروح على المثلث وما ادراك ما المثلث؟؟ شكل دائري مسطح سداسي الاضلاع ( ولا بيشبه المثلث) وفي جانبه سيارتين مشطوبتين دايما واقفات ....الهادي الله وفي هاي الفوردين بتلاقي 50 طالب وطالبة توجيهي بدهم يروحو على المدرسة ........والشفرية مش لاقيين الهم مكان .....طبعا انت بتقف على جنب مثلك مثل الناس اللي بيستنو مثلك بالفوردات ( طبعا القانوني) وهووووون مربط الجحش كيف يعني
ااااه لما بتقف سبحان الله بتلاقي كل عيلتك وقرايبك وعمامك وخالاتك بدهم يطلعو ع الخليل.....مما تتضطر اسفا الى تأجيل السفرة ...لأسباب أمنية مش اكثر......بتغيب ساعتين وبترجع الا هم زايدين 3 ....بتتضطر تركب خاوة....لما بتركب ما بتلاقي حد مقرب على المقعد الامامي ليييييش ابصر .... ف بتقعد قدام ..بتولع سجارة ويا ريتك ما ولعتها ....لما تولعها بتحس انو جمعية لا للتدخين راكبة بالفورد ... ختيارة بتكح من هون وختيار حاط الهيشية بتمه وبيقول طفي هالسم الهاري يا بني ... وبنت بتصير تفتح بالشباك...ويييييييييييييييييييييييييييييييي
لما بتبلش السيارة تمشي بتبلش معاك قصة ...انت بحالك وانا بحالي ...لما بتصل النقطة ..بتلاقي الشفير صحصح وبيقول يا جماعة اللي مش حاط الحزام يحطو على اساس انو قانوني الاخ..بتلاقي مركب 10 بالفورد والمشكلة انو ولا حزام الا خربان وو لا كرسي اخو الثاني....لما بنصل راس الجورة ببلش الشفير يتمختر وبيقول في حد على عين سارة .. اكيد لأ بتنط بنت وبتقول لا لا ما في حد بس انا على رمزون الجامعة ...الشفير بيخلي حالو مش سامع ...وبيروح عن طريق نمرة لانها مختصرة ..البنت بتصيح وبتقول يا اخي انا على الجااامعة .....بينط شب فايع من تحت الكراسي وبيكون مش دافع وبيقول يا ابو الشباب الاخت قالت انو على الجامعة وين رايح انت ...النهفة انو الشب أصلا رايح على حلحول وناسي حالو ......الشفير بهاي اللحظة بيمعط بريك ...طبعا كل الركاب مع الشفير مع الشب اللي تحت الكراسي مع الاخت اللي بدها تروح ع الجامعة مكومين على التابلو الامامي.....والراديو شغال والمذيع بيقول صباحك يا وطن ....مع صوت الشفير اللي بيقول ....مهوووو يوم قطرااااان من اولو ..طبعا بيرجع الركاب وبيتصفطو محل ما كانو ...والشفير بيرجع بطريقو على الجامعة......الشرطة طبعا واقفة على دوار راس الجورة ...وبيأشر بايدو للشفير على انو يوقف بتلاقي كل الركاب اللي بالفورد بيأشرو على الشرطي على اساس انهم بيردو السلام او احد معارفهم .,...طبعا الشفير بيعطيها دعسة سولار مع شوية تطنيش وبيهرب....بينط ختيار بالفورد وبيقول للشفير والله انك سبع ابن مين انت يا ابني.......الشفير سررحاااااااااااااااان وبيقول في حد ما دفع الاجار ....بينط الشب الامور اللي تحت الكراسي وبيقول انا....اسف لاني نسيت خد عن واحد على حلحول...طبعا الفورد بتبلش تمطر علامات استفهام ...وسؤال حلو بيطلع من الشفير وبيحكيلو ...انت وين رايح يما....الشب بيتطلع حواليه بلاقي انو السؤال موجه الو ...ف بيقول اححح على حلحول....الشفير بيبلش يمعط بشعرو ....وبيقول يااااااااااااااااااااااااا خراااااااابي انزل يا حبيبي .....وبديش الاجار ......الشب ع السريع بينزل وبيطلع بسيارات رام الله ..........شكلو والله اعلم مش من سعير ولا من فلسطين اصلا.......على رمزون الجامعة الشفير طبعا بيزت البنت متل بكيت الدخان الفاضي يعني بلمح البصر .....وبيبلش يسابق باللي قدامة( مفكر حالو بسباق سيارات) .....بينط الختيار كمان مره وبيقول ....اسحى نزلني عند الدكتور قفيشة....الشفير بينط وبيقول قفيشة ايش ...... ما كمل كلمتو الا احنا بدوار المنارة...وتوتة توتة خلصت الحدوتة .....وننتظر ردودكم ...وانتظروني بالجزء التاني باي

_________________
لنحب الحياة قبل أن تكرهنا...

Back to top Go down
http://3arod.7olm.org
قيصر سعير
شايب/ة جليل/ة
شايب/ة  جليل/ة


Male
عدد الرسائل : 62
المزاج : مش عارف (هيك وهيك)
نقاط : 5807
السٌّمعَة : 0
تاريخ التسجيل : 2008-12-28

PostSubject: Re: مواصلاتك يا سعير 1   Tue Mar 17, 2009 10:55 am

ههههههههه
عنجد من الاخر . تحفه
مشكور على الموضوع
وعم نستنى بالجزء الثاني يا حلو
Back to top Go down
المدير العام
Admin


Male
عدد الرسائل : 98
العمر : 29
المزاج : كوووول يا مان
نقاط : 5935
السٌّمعَة : 0
تاريخ التسجيل : 2008-12-24

PostSubject: Re: مواصلاتك يا سعير 1   Tue Mar 17, 2009 3:44 pm

تسلم يا مان ...والجزء الثاني بس يصح الي مشوار عالخليل ....ههههه

_________________
لنحب الحياة قبل أن تكرهنا...

Back to top Go down
http://3arod.7olm.org
albreans



Male
عدد الرسائل : 4
نقاط : 5797
السٌّمعَة : 0
تاريخ التسجيل : 2009-01-06

PostSubject: Re: مواصلاتك يا سعير 1   Tue Mar 17, 2009 4:08 pm

كــــــــــــــــــــــــــــــــلامك كلـــــــــــــــــــــــــو حلــــــــــــــــــــــــــــو
مشــــــــــــــــــــــــــــــــــــــكور مشــــــــــــــــــــــــــــــــكور
طيب مين بطل الجزء الثاني
Back to top Go down
 
مواصلاتك يا سعير 1
View previous topic View next topic Back to top 
Page 1 of 1

Permissions in this forum:You cannot reply to topics in this forum
لا اله الا الله :: الفئات :: المنتدى الأول :: قهوة الشياب واللي مش فاهمين اشي-
Jump to: