اعراس البلد

Subject: اعراس البلد Sat Nov 13, 2010 3:21 am

السلام عليكم
ندخل بالموضوع, لما يسمع اهل البلد انو في عرس عند حد بتبلش شغلات كتير تلعب ببطونهم اول شي معدتهم لانهم فكروا باللحم وتاني شي بيفكروا بالعجقات اللي لازم يعملوها بالعرس زي انو الشب يعمل حالو شب فايع من الاخر رافع واكس ومنزل بنطلونو وعاملو سكيني قياس 16 سم حتى يكون شب لامع بالبيست(البيست اللي هو ساحة الرقص اللي كلها خشب بناء ومسامير 10 ) حتى يحين موعد سهرة الشباب يكون كل الشباب المقطوعة قاعدة اول سطر ومخلصة بكتات دخانهم من قبل ما تبلش السهرة (السهرة هي عبارة عن حبل ضواو عدد 14 منهم 4 بيضوين والباقي محروقة وايضا وصلة كهربا 10 متر ومثلث كهربا وعدة دي جي ماكل هوا و4 ديسكات هم شفيق كبها حفلة الطيرة وشفيق كبها حفلة جنين وشفيق كبها حفلة بيت جالا) .
هاد بالنسبة للشب اما بالنسبة للختيرية (بركتنا) باول ليلة من التعاليل كل ختير بيحس حالو غريب لانو مش متعود عالقعدة فاااا اليوم التاني هون مربط الختيار بيكون حافظ مقعدو سلف ولما بيبلش كاسيت محارب ذيب يعشق (يشتغل) بيبلشو يهزو بايديهم وروسهم على انهم فاهمين اشي عاد اللي بيهز براسو نعسان وبينو وبين السماعات كيلو متر.

بيوم العرس كأنو يوم البدلات العالمي لانو كل شب بيدبر بدلة من اي مكان سواء شرية او شحدة حتى انك لما تتطلع على زفة العريس ما بتعرف مين العريس بالزبط الا بشغلة وحدة انو شوف مين اللي بيطلع بالسما وبينزل بالارض (هذا هو العريس بعينه) حتى انو المسكين بيصل الصالة ماكل روح الخل من النط بالسما حتى انو لما يدخل بالصالة بيكون ع راسو عصفورين بيلفو حوالين راسو من السطل........والباقي عندكم
انتظرونا بموضوع ثاني باي