كمبيوتر بنت ولا كمبيوتر شب

هلا نيجي لقرف تاني من قرف الشباب
راح نشوف مين احسن كمبيوتر بنت ولا شب
هلا نبدأ بكمبيوتر البنت .؟.؟.
الشكل الخارجي: البنت بتحط عطر فوق الكمبيوتر وبتحط على الماوس كريم معطر وطبع ، وطبعا ما بننسى المخده الي بتكون على شكل دبدوب او شي نعوم متله للبنت حتى ما يوجعه ظهره بالقعده وترتاح وطبعا الكمبيوتر من بره كلو صور اطفال وفراشات ملصقيتهم والوان حلوووه بكون شكلو حلو
والكيبورد كله الوان كل حرف بلون شي روووعه وفوقه للكمبيوتر مشط ومرايه وجلووس ((جلاس..روج حمره ))
وقبل ما تبدا تشتغل على اي شي على الكمبيوتر بتحط ميوزيك هااديه ورايقه و رومانسية
لحتى تروق اعصابها وتعرف تشتغل والخلفيه تاعت الشاشه فيديو متحرك بالوان رومانسية وما بننسى الملفات المحفوظة بتكون باسماء ولا احلى منه متل فراشة الربيع*نبض القلب *عاشقة الورد *او اشعار او اغاني ..الخ ....
االمواضيع كله بتكون
عن اخبار الفنانين وعن الموضه والتياب وابيات شعر وقصائد واغاني ..الخ...
والماسنجر بكون النيك نيم بيت شعر رقيق جدددا وكله ورد وقلوب والصوره بنوته خجوله ومتل القمر
وبتكون في مجلدات عندها عن عروض الازياء وعن العطورر وصورر فنانات قبل التجميل وفنانين وممثلين طبعاااااااااا لازم يكونو حلووين وكتير ولوووو صبايا
هلا بده تقوم عن الجهاز طبعا بتسكر كلشي برفق ونعومه ويا دوب تكبس على الماوس وبعدين بتكبس على ايقاف التشغيل بنعووومه بتخلص كلشي..

هلاااااااااااااااااااااااااااااااااااا نجي لكمبيوتر الشباب الي ما بيعرف شي عن الدلع والرقه يا حرام بحزنو وبقطعو القلب الكمبيوترات تاعتكم شباب
الشكل الخارجي : الجهاز كله غبره واشياء منه مكسره لانو اذا بعصب الشب ما في شي قدامو يضربو الا الجهاز عامل ملاكم على الجهاز الله يعينوووووووو للجهاز عليكو وبالنسبة للملفات المحفوظه عندهم اسمائهم تحفه بتكون متل المستهتر*المرعب*الوحش* سفاح *شيطان الخ..
والشاشه هي التانيه رايحه فيها من ورى عمايلو للشب بتكون الخلفية
صور رعب سيارات ومصارعين والي بلعب كرة قدم و ..و.. الخ.....
ونجي للاهم وهو الماسنجر بكون مسمي نيك نيم هكرز 2009 او المرعب وغيرو حتى يكون جدع ومرعب قدامه للبنت او يمكن يكون النيك نيم حب وغزل عشق وغرام رومانسية على غفله صار الشب بعمل حالو عاشق حتى يجذبه للبنت وهو بكون مو بوادي الحب بالاساس
وما في شك انه الطاولة تاعت الجهاز بتكون كله فناجين وكاسات قهوه اشي جديد واشي قبل اسبوع موجود والدخان يلي بكل مكان كاين يطفي السيجارة والورق يلي فوق بعضه وووووو حالات بتكون على الجهاز
ويا ويلي يوم بده يطفيه للجهاز شو بصير فيه ما فيه تفاهم ولا اي نوع من الرقه عطول وين انت يا سلك بيفصلووو على طول او بطفي الكهربا عن الجهاز ولك ما في عندهم رحمه
هاد بالنسبه للشباب شو رأيكم بدكم كمبيوتر بنت ولا كمبيوتر شب
تحيااتي شباب يعطيكم العافيه