شب من الزمان ده....فيلم جديد

السلام عليكم

أول شي وقبل كل شي بدي ابارك للاعضاء بدهان المنتدى الجديد والديكور اللي انعمل بتعب (الحمد لله كلو تبرع من الدول الصديكة)
ندخل بالموضوع... خليني أحكي عن شب من الزمان ده (طبعا اي تشابه في الصفات او الافعال لصاحب القصة هو مجرد صدفة بس اها)

شب اليوم لما :
لما بيطلع مشوار برات البلد بس يرجع بيتعامل مع الناس اللي حواليه كانو الو 5 سنين وبيحكي يا الله شو متغيرة البلد.

لما بيوكل عند حد من صحابو يا حرام القط بيوكل عشاه وبيحكي اعذروني انا عامل ريجيم عاد كرشو بيرد السلام على الرايح والجاي ولما بيوكل بالدار كانو جراد اقتحم المنطقة.(والعياذ بالله)

لما بيجي بدو يطلع عالشارع بيحط البلفون على ذانو على انو مضغوط اتصالات عاد قايم الشريحة من البلفون لانو تعلم من المرة الماضية لما رن البلفون وهو يحكي مع مزتو بالغلط.

لما حد غريب بيحكي معو بيخلي حالو مؤدب عاد هو لا مؤدب ولا شي بس مش فاهم الموضوع اصلا.

وبيضل حاطط السماعات بذنيه وبيسمع عبري وبيضل يبكي على انو الاخ فاهم عاد لما بيبكي بيتخيل لما ابوه ضربو كف .

وحاطط بايدو اسوارة وكاتب عليها حرفين عاد هي خيط لقيه بالشارع واذا حد سألو من مين هاي بيحكيلو من الوضع (حبيبتي).

ومسحل بنطلونة لاااخر درجة على انو فايع مع انو ساحل من اصلو لانو ما عندو قشاط.

ولابس قميص من الاخر صح واذا انمزع بيعيط وما بينام بالدار لانو القميص بيطلع لاخوه الاكبر منو سارقو سرقة.

ولابس ساعة ام ال3 شيكل اللي ببعوها النعيمية وبيضل يحرك في ايدة ويتطلع بالساعة عاد الساعة عقربها خابط بالعقرب اللي تحتيه والساعة 3 ونص من سنيتن.

وحاطط بجيبتو بكيت دخان فاضي على انو مش سألان عاد اذا ابوه مسكو بيقول اله هاد الاستاذ طلب منا انلم بكتات فاضية لنشاط علوم.

وبيطق بكندرتو عالارض على انو الو هيبة مع انو مكمل لبوز الكندرة وراق جريدة حتى الكندرة ما تمزط.

ونافخ صدرو على انو عضلنجي مع انو معو نفاخ من اكل الفجل.

وحاطط عحالو معطر البلاط على انو عطر مركب .

وعامل حالو واعي مع انو راعي.

وطالعة الو شعرة بوجهو مشبصها على انها سكسوكة.

ولما بيكون في المحاضرة هاد اذا بيدرس اصلا ..بيكون الدكتور يشرح والاخ بيهز براسو وبيكتب على الدفتر على اساس انو فاهم ومركز مع الدكتور...عاد بيفكر بعذر لامتحان ثاني يوم (وقرر انو يدق شهادة وفاة لابوه)

شكرا وبنشوفكم بالحلقة الجاية .....الردوووود وين؟؟؟

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه مشكوووووووووور ههههههههههههه

كول ياباشا

» جديد جديد ريمكس حلو لباب الحارة في وطن ع وتر صنع محلي
» جديد كلمات الخلايلة وترجمتها بس في منتدى رأس العاروض ...فوووت يلا
» جديد وحصريا بمنتدى رأس العاروض لعبة السجن تعالو لنشوف ..
» فيلم بدوي مدبلج ! ! !